《摇篮曲》有关歌词

　　摇篮摇来摇去摇到天项去

　　月光照來照去照到目珠去

　　星仔目聶來目聶去目聶到鳥竇去

　　鷂婆爪來爪去爪到天弓去

　　日頭曬來曬去曬到笠嬤去

　　阿公犁來犁去犁到牛欄去

　　牛牯飆來飆去飆到埤塘去

　　鯉嬤嗶來嗶去嗶到河壩去

　　石頭輾來輾去輾到醃缸去

　　鹹菜鹵來鹵去鹵到碗公去

　　阿婆兜來兜去兜到碗櫥去

　　老鼠齧來齧去齧到貓尾去

　　貓嬤追來追去追到禾埕去

　　狗牯吠來吠去吠到天頂去

　　烏雲鬥來鬥去鬥到雷公去

　　南風吹來吹去吹到眠帳去

　　魚桀魚泅來泅去泅到海唇去

　　海水漲來漲去漲到港肚去

　　船兒撐來撐去撐到碼頭去

　　車仔駛來駛去駛到車頭去

　　火車拖來拖去拖到磅空去

　　人客送來送去送到機場去

　　飛機飛來飛去飛到月光去

　　搖籃搖來搖去搖到天項去